العودة   منتديات ايجى سوا > منتديات رياضية - ايجى سوا سبورت > منتدى كمال الاجسام

إضافة رد
 
أدوات الموضوع انواع عرض الموضوع
قديم منذ /07-27-2011, 11:47 AM   #1

EL3LAMY
الامبراطور
 
الصورة الرمزية EL3LAMY

EL3LAMY غير متواجد حالياً

 رقم العضوية : 87
 تاريخ التسجيل : Mar 2010
 المكان : المنصوره
 المشاركات : 5,309
 النقاط : EL3LAMY is on a distinguished road
 تقييم المستوى : 10

Icon8 اضرار لعبة كمال الاجسام



السلام عليكم
الموضوع منقول للنقاش
نخش في الموضوع الجديد بقه والي هو بعنون امراض كمال الاجسام...
طبعا لو كتبت علي جوجل وكتبت فوائد رياضة كمال الاجسام هيديلك حجات كتير اووووي وفيه ناس كتير في المنتدى كتبين علي فوائد اللعبه مواضيع كتير اوي اوي بس هل قريت مره عن امراض كمال الاجسام؟؟؟؟

طبعا فيو ناس هتقرا العنوان وتقول اية التخريف دةولكن فية امراض وانشاء اللة نتعالج منها
اول شيء انواع امراض كمال الاجسام:

1- مرض عند كل الناس الي بتعلب حديد وهو ((( المراااايه )))
2- الحسد ((الحقد والغل))
3- التظاهر امام الناس باللعبه
4- الغرورررهنتكلم علي كل مرض من الامراض ديه بأيجاز زي ما اتعودنا والله المستعان:-
1- المراااايه
طبعا المرايه من اهم العادات الي بتلزق للاعب الحديد بمجرد ما يخش الصاله علقته بتبقه بالمرايه علاقه حميمه جداا وورايح يبص للمرايه وهو جاي برده مع المراايه ويبدا يتابع جسمه مش يوم بيوم لا لحظه بلحظه لازم يبفضل يبص علي نفسه طبعا ده موضوع عند ناس كتير اوي يمكن كلنا فينا الموضوع ده طبعا ده بيرجع لان اللعبه لعبه استعراضيه بس فيه ناس بيتحول معاهم الموضوع لمرض ازاي بقه؟؟؟

واحد يخش يشوف نفسه في المرايه الصبح يقول ياه ما شاء الله انا زدت ولا ايه علي اخر النهار يلاقي نفسه قل يقولك ياه انا خسيت بعد ساعتين يبص يلاقي نفسه زاد ياه انا زدت شويه ويخس ويفضل الوهم يلعب في راسه ويتعب نفسيا وممكن ميتمرنش تاني وهو ولا زاد ولا قل وطبعا كلها اوهام في اوهام ... طبعا معظمنا كده ((متبصش جمبك ايوه انته كنت كده وانا كنت كده فيه ناس بتفهم الموضوع وفيه ناس الموضوع ده بيزيد عندهم وبيتعبهم نفسيا بس ارجع واقول المرايه صديقة لاعب كمال الاجسام)) بدليل شوفتوا بتوع ميلودي تتحدى الملل شافوا المرايه ايه الي حصلهم خلاص لاعب الحديد علي علاقه حميمه مع المرايه وديه مشكله اعتقد ملهاش حل ههههههههههههه
2-الحسد:-
معروف في اي صالة جيم وانا قولت الكلام ده كتير فيه ظاهره منتشره اوي اوي يمكن اكتر مكان في الدنيا ممكن تسمع كلمة حسد فيه كله في صالة الجيم بيخاف من الحسد سواء الي عامل فره او الي مش عامل كله بيخاف من الحسد لا وايه الحسد في الجيم بيبقه ولو بنظره بدون قصد ممكن لاعب يتخانق معاك علي شان بصيت عليه وهو بيتمرن والله وبيحصل ويامه سلكنا خناقات كتير في الجيم بسبب الحسد وانا نبهت كتيير اوي في موضوع ملاحظات علي موضوع الحسد وازاي تجنب نفسك منه علي شان المبتدئين بالزات الي ميعرفوش جو الصالات ايه .
فيه ناس في الجسم ممكن تحسد بدون قصد انته معجب بالعضله او باللاعب وهو بيلعب تحسده بدون ما تشعر وفيه ناس بقه الحسد(الغل والحقد بقه) بيبقوا ريحين الجيم مخصوص علي شان يتفرجوا ويحسدوا في اللاعبين يقولك: ((ازاي ده جي بعدينا بكتير شوف بقه عامل ازاي واحنا بقالنا اد ايه بنلعب زي ما احنا ويفضل يحسد فيه)) دول بقه الناس الي فعلا بقوا مرضى بالحسد والحقد والغل وملبيييييييييييييييييين النوادي واللاعبين القدام والي بيقروا الكلم ده فهمين كويس اوي اوي الموضوع ده وديه بعتبرها من الامراض اايون امراااااض القلب وديه منتشره في الصالات وربنا يبعدنا عنهم ياااااااااااارب


(ملحوظه).. انا بخاف من الحسد ياجماعه كل الي يقرا الموضوع ووصل للسطر ده يصلي علي النبي علي شان ربنا يكرمنا كده ههههههههههههههههههههههههههه مش قصدي حد عينه وحشه ولا حاجه هههههههههههههه عاش يا ابطااال

3-التظاهر امام الناس باللعبه:-
برده هنقول ونكرر اللعبه لعبه استعارضيه بس في سؤال ملح عليه عايز اسأله لكل واحد انته بتلعب اللعبه ديه ليه؟؟؟

بلعب اللعبه ديه لله ثم علي شان اللبس بضيهات بقه واروش
واحد تاني يقولك بلعبها لله ثم علي شان صحتي
واحد تالت يقولك علي شان الي يكلمني اقتله
والي يقولك ادينا بنضيع وقت

فيه ناس بقه بتلعب اللعبه ديه علي شان تمظهر علي الناس تلاقيه طول مهه ماشي شادد المجنس وشادد وضع واحد استعداد ههههههههههههههههههههههههه والكل فاهمني الناس الي دخلت بطولات عرفه ايه هو وضع استعداد1 وتلاقيه ياخويه ماشي يا ارض اتهدي ويبص للناس بأحتقار كده زي ما يكون احنا مخلوقات فضائيه ولا ايه ودول الي جالهم مرض التظاهر في اللعبه ودول مشكلتهم رخمه اوي والله وليه اصحابي كتير فيهم الموضوع البااايخ ده اه احنا بنلبس بضيهات وبنظهر اننا بنلعب بس انا مش بمسي اقول للرايح والي جاي ايه رايك في جسمي انا بمشي بطبيعتي عادي وكلنا كده بس فيه ناس كده الحديد والعضلات بتجننهم وبيجلهم الموضوع ده

4- الغرور:-
وده طبعا كلنا عرفينه واحد قبل ما يلعب حديد يبقه قرب يختفي يلعب وربنا يكرمه ويشد تلاقيه بقه اهتم بأستيله ونفض لاصحابه وظبط مع الشباب الاجسام الي زيه وبقه مهم بقه(الله يرحم)
ويحسسك بقه انه مهم والبنات هتموت عليه ومين دول الي اقف معاهم(بس بامانه قليلن الي عندهم الموضوع ده بس فيه موجودين يعني)
وده علي فكره مبيعمرش في اللعبه كتير بيبقه بيلعب لهدف الفشخره الكداابه ومش بيعمر في اللعبه كتير والناس كلها بتكرهه ومش بيبقه لصه اصحاب ولا احباب كتيير وده بعتبره مرض برده من امراض اللعبه

طيب احنا استعرضنا امراض اللعبه فيه منهم الي صعب التخلص منه زي المرايه بس فيه حل انته لو خبيت جسمك عن المرايه خالص لمدة شهر مثلا وشوفته في المرايه هتلاقي تغيير في جسمك اكيد وهتلاحظه وحاول انك تجرب الموضوع ده وهتشوف انما ديما مع المرايه مش هينفع ولا هتشوف اي تغيير ولا اي حاجه وممكن تتخنق من اللعبه ....


وموضوع الحسد هقول ايه واعيد ايه ربنا يبعدنا عنهم وحاول كل مره تيجي تلبع في اول رفعه((بسم الله الله اكبر)) وترفع بعد ما تخلص الحمدلله وحاول تخلي القراءن ديما في لسانك وانته بتتمرن ده الحل الوحيد لموضوع الحسد ده علي شان بصراحه الحسد مش بس ممكن ياثر علي الجسم لا ممكن يازيك كمان يعني انا بلعب ترابيس مره والله العظيم ده حصل المهم ماسك الدمبزين ال50 و50 وبلعب ولابس الفنله الكت بتعتي وواقف المدرب بتاع النادي صحبي بيبقولي تاني يامحمود الفنله ديه يبني اللبس بكم قلتله ياكوتش الجو حر خلصت لعب وبحط الدنابلز علي الاستند وواحد حاطط الدبملز ال45 علي الطرف بزقه كده راح مقلوب علي رجلي مش عايز اقولكم انا بقيت الف الصاله جري من الوجع في ساعتها ويه فيه بتاع حوال 6 واقفين بيتفرجوا بس عليه وانا بتمرن ومش عايز اكسف حد ماعلينا الحمدلله علي كل حال المهم نتبع المعلومات ديه وربنا يبعد عننا الوحش يارب ....









التوقيع


  رد مع اقتباس
قديم منذ /08-14-2011, 01:50 PM   #2

The KING
Banned

The KING غير متواجد حالياً

 رقم العضوية : 280
 تاريخ التسجيل : May 2010
 المكان : *في ايجي سوا*
 المشاركات : 5,416
 النقاط : The KING is on a distinguished road
 تقييم المستوى : 0

افتراضي


تسلم ايديك
مجهود رائع ومميز
شكرا يا غالي







  رد مع اقتباس
قديم منذ /06-12-2012, 06:18 PM   #3

روضه الجنه
مشرفة
 
الصورة الرمزية روضه الجنه

روضه الجنه غير متواجد حالياً

 رقم العضوية : 1066
 تاريخ التسجيل : Sep 2010
 المكان : ارض مليئه بحب الله
 المشاركات : 7,745
 النقاط : روضه الجنه is on a distinguished road
 تقييم المستوى : 11

افتراضي

ثانكس

ف انتظار القادم








التوقيع


أنهكنى و أرهقنى الدواء و مالى حيلة إلا الدعاء و*الرجاء ياارب العالمين
كم اخجلتني يا الله عندما قـلت : ليـس عـندي أحد .....
فقال تعالى : نَحـْنُ آقـرَبْ إلـيْكَ مـنْ حـَبْل آلـوَريد
قـلت : أعطــني أملاً يـا رب .....
فقال تعالى : إنّ مـَع آلعــُسْر يسـرا
قـلت : كيف لآحـلآمي أن تتحقـق ؟ .....
فقال تعالى : إدعــُونِي آسْــتَجـبْ لَكـم كم أحبك ربى
♥ ♥ ♥ ♥ ♥ ♥

  رد مع اقتباس
إضافة رد

مواقع النشر (المفضلة)

الكلمات الدلالية (Tags)
لعبة, الاحصاء, اضرار, كلام


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
تأثير العاده السريه علي لاعب كمال الاجسام!!!!! EL3LAMY منتدى كمال الاجسام 5 06-12-2012 06:20 PM
اضرار خل التفاح ... هام جدا Pinky Girl الطبيعه والجمال 5 09-12-2010 11:58 PM
اضرار عدم ازالة المكياج mrmr.mrmr الطبيعه والجمال 9 07-31-2010 01:23 PM

الشيخ المغربي لجلب الحبيب

vps Hosting

webhosting


الساعة الآن 07:18 PM.

All Rights Reserved To EgySawa.com - Designed BY 3GHDES.com